Già se sapeva, doppo ’e doje nuttate
(al Meazza, e chiù primma, ‘o Madrigale)
ca c’o Brescia suffrevemo. E’ normale:
lasciano sempe  livide, ‘e mazzate.

‘O primmo tiempo, ‘o gol certo  ce steva:
pe nu pilo  nunn’a mettimmo in porta.
Avimmo avuto pure ‘o poco ‘e ciorta,
e pe chestu motivo jammo in freva.

Ma int’a ripresa ‘o Napule s’affloscia:
addeventà chiù lento, e po’ s’imballa.
E’ overo, sempe nuje tenimm’a palla,
ma ‘a manovra è nu guajo: è troppa moscia.

Né, sul finale, ‘o Brescia nun s’allanza?
Traseno Lucarelli, e poi Yebda,
però accussì ‘a difesa nun c’a fà,
e rischiammo doje-tre dulur’ e panza.

E mò? Facimm’a corsa su noi stessi.
Vanno sempe chiù forte, ‘e milanese.
E nunn’è ca tenevem’e pretese:
nuje simme sognatore, mica fessi!

[youtube]http://www.youtube.com/watch?v=Unyi3PoKB9o[/youtube]

Tags: napoli, napoli-brescia 0-0, onapule