So’ loro, e chesti squadre, ‘e meglio pezzi:
Pepito Rossi ed Ezequiel Lavezzi.
Si ‘e vire ncopp’o campo,  tutt’e doje,
teneno sopr’e spalle ‘o vintiroje,
ca dint’a Smorfia rappresenta “ ‘o Pazzo”.
Se parte co’ nu poco d’imbarazzo:
sapisseve addò stà, ‘a Villa Reale?
(Nuje ccà tenimmo ‘a Villa Comunale,
e ci doviamo pure controllare,
c’o pallone fernesce semp’a mare…)
Se parte. ‘E gialle provano a fà gioco:
ma scurrenn’e minute, a poco a poco
arretrano, e se ‘nchiommano in difesa:
si vulimmo signà, ce vò n’impresa,
e stasera ce manca chi ‘a po’ fà.
Stamme stanche (nunn’è na nuvità):
Cavani vola basso, rasoterra,
nunn’è ‘o solito fulmine di guerra.
‘E spagnuole? Tocar, tocar, tocar:
(che caspita!, ‘e pigliasse nu catarr),
ma ‘o ssanno, ca tenimme ‘e piere buone.
In totale, so poche le occasione,
e alla fine rischiammo qualche cosa.
Insomma: na partita vigorosa,
però nun se po’ dice: “eccezional”.
Adda fa ‘o partitone, al Madrigal,
stu Napule, si a vencere ce tene.
Ma pensammoce buono: ce cunviene?

Valid XHTML 1.0 Transitional Valid CSS!