‘A dummeneca è brutto a giucà ‘e sera,
quann’anno già venciuto tutte quante.
Ea vince pure tu, nun ce so’ sante,
ca si no ‘a situazzione se fa nera.

‘O Catania se chiure: e santa notte.
Hanno cupiato d’o Villareale:
“si ce scuprimmo, ‘o Napule fa male,
e ce ne fa turnà cu ll’ossa rotte”.

Doppo nu palo ca ce fa tremmà,
‘e rossazzurre teneno assaje sfiga:
tira Cavani, ‘a palla va a Zuniga,
ca pe’ signà nun s’adda fa pregà.

E’ nu gol  preziosissimo, pesante;
ca mò l’anna caccià, la capa ‘a fore.
Né, faciteve annanze, giucatore
venute d’a città dell’Elefante!

Purtroppo sta in tribuna, ‘o nuosto alfiere:
se sape, cu Lavezzi è n’ata cosa,
però nun gioca male manco Sosa,
e lo fa interamente, il suo dovere.

Mo’ stammo quatte squadre int’ a nu sputo:
‘o Milan, nuje, l’Inter e la Lazio.
Patatè, pe’ tramente te ringrazio:
però mò ce servesse n’ato acuto!

[youtube]http://www.youtube.com/watch?v=31G3pZDDd94[/youtube]