CHIEVO-NAPOLI 2-0
2-02-11 - categoria Poesie in napoletano 2010-2011E’ proprio bella: bella assaje, Verona,
c’o “verone” (na specie di balcone).
Na città dov’a gente ti bastona,
quanno sì niro, e quanno sì terrone.
Incontrannoce, al vecchio Bentegodi
‘o tifoso ‘e ccà ncoppa invoca ‘e forne
d’e naziste: s’aspetta nuovi Erodi,
e c’o Vesuvio erutti tutt’e juorne.
Ricevenno sta splendida accoglienza,
dicimmo: “Veronè, stateve buone!
Vuje site overamente na semmenza,
e Giulietta è nu granne zucculone”.
Stavota nun c’azzecca, stu lamiento:
nisciuno ce venette ad insultà.
Ma a Chievo ‘o Napule è un vulcano spento:
pecchè, quaccuno mò l’adda spiegà.
Tre ghiuorne fa se jeva a cient’all’ora:
oggi invece la squadra se trascina
c’a lengua a fore (e chest’è che bonora!):
tutt’assieme, è fernuta la benzina?
Pure Mazzarri c’è rimasto male.
Na vota tanto, stritto int’o cappotto
pareva appena stato a un funerale:
chello d’a squadra, ch’era andata sotto.
E v buono. Piegammola a libretto,
e jammo annanze. Mò ce sta ‘o Cesena.
L’aspettammo a piè fermo (con rispetto):
c’abbasta a ritruvà nu poc’e vena…..
[youtube]http://www.youtube.com/watch?v=wQKW7jEfGzU[/youtube]