Succere sempe: doppo ‘na vittoria
pare c’o munno sta pittato ‘e rosa.
Ma si battimmo ‘a Juve, è n’ata storia:
si po’ ‘a mortificammo, è n’ata cosa.

‘O Napule all’inizio è un po’ contratto,
ma chianuchiano scalda il suo motore:
‘o posto è chillo justo, ‘o juorno è adatto,
e ‘o Matador diventa ‘o Mattatore.

Stasera sulo capa, e niente piere!
Nu sciò straordinario, overamente.
Cavani, ‘e te nuje simme troppo fiere:
tu d’acciaio nun tiene sulo ‘e riente!

Tant’anne fa, ce fu chi raccugliette
(p’abrogà ‘e bianconeri: questi qua)
parecchi’ firme ncopp’a nu banchette.
Era nu falso, ma oggi è verità:

trent’anne doppo, (e ‘o fatto ce cunsola)
la Juventus, pe chello ca s’è visto,
overo s’è abrogata: ma da sola.
Na squadra scumbinata, un fritto misto

c’ha offerto nu spettacolo meschino;
ncopp’o campo ce steva sulo Toni.
Juventì, jatevenne su a Torino:
pe nuje – p’a quarta vota…- canti e suoni!

[youtube]http://www.youtube.com/watch?v=gV72KhmYs_4[/youtube]