L’Inter, mazziata ad Udine, ruggisce:
è na bestia feroce, na pantera,
e chistu fatto ‘o Napule ‘o capisce.
Tenimmo l’uocchie apierte, chesta sera!

Si attaccammo, facimmo na cazzata:
l’Inter, cu chille diece ‘e giucatore
t’aspetta, e po’ te tira na zampata.
N’attimo ‘e distrazzione, e già stai fore.

‘E nerazzurre so’ na corazzata:
scenneno tutt’assieme, lentamente.
L’azzurrre, chiù liggiere: na fregata,
ca quanno attacca, o’ fà velocemente.

Cambiasso tira in porta (i che paura!),
quase faceva gol, stu figlientrocchia.
Po’ p’a  fregata ven’a fregatura:
ncopp’ a linea di porta c’è Ranocchia,

e po’ Lavezzi grazia a  Castellazzi,
primma d’o sparà ‘ncielo, il suo rigore.
Nun ve mettite a chiagnere, ragazzi:
perdettem’a partita, e no l’onore!