Pecchè ‘o napulitano è sicc sicc?
Pecchè da sempe  s’è abituato al poco.
Così, quann’uno ‘o dice: “Mò si’ ricco”,
se cunfonne, se ‘nzama: e sbaglia ‘o gioco.

“Site siconne!” E nuje cadimmo a funno:
vene comm’a na specie ‘e scemanfù.
Addò è fernuta  ‘a voglia e spaccà ‘o munno,
chella cuncentrazzione, addò sta chiù?

Al posto d’o slovacco, ‘o Principito:
nunn’ammiscammo ‘a lana cu la seta!
Ce lo ricorda ‘o pubblico, imbelvito:
“Sosa, nun tiene l’esse: tiene ‘e zeta!”

D’e nuoste, in poche ‘a guidano, sta nave.
Su tutti, certamente Cannavaro,
Grava (ma il suo incidente pare grave),
e  joca buono pure Campagnaro.

Lavezzi quacche palla l’ha tuccata,
ma quale azzurro: l’ammo visto griggio.
Pe’ Cavani nu fu na gran serata
(ma pecchè se jucava ‘e pomeriggio…)

Vabbuò:c’accuntentammo ‘e stu pareggio.
Certi partite a vote vanno storte,
e ce puteva annà perzino peggio.
Ma nun se fa accussì, mannaggia ‘a morte!

[youtube]http://www.youtube.com/watch?v=nNusIE2niCk[/youtube]

Tags: o napule, onapule