Na rete –mpizzompizzo – contr’o Cagliari,
e mò s’è vinto pure contr’o Genoa:
sti squadre rossoblu, c’o nuosto Napule
nunn’e batteva ormai ‘a doje-tre secule.
Ce pare c’a fattura delle sdrucciole
è ‘na cosa passata, luntanissima!
Però chi sa. Sarranno tutte fiseme,
ma si avimmo risolto ch’e toponime
‘a storia nunn’è ‘a stessa cu ll’artefice.
Zarate, e insieme a isso, pure Floccari
ce facetteno gol. Ma invece Miccoli
e Ilicic, ce paretteno ridicule
perdenno, c’o Palermo, proprio all’urdemo;
e pure si iucaje nu match fantastico,
nun ce putette, ‘o genoano Criscito.
Rovescianno a Descartes: sum, ergo cogito:
Napule, quanno vinci, è bello, a vivere.
Si sunnammo ‘o scudetto, c’anna chiurere?

[youtube]http://www.youtube.com/watch?v=lUgcvZOFy8I[/youtube]

Tags: genoa-napoli 0-1, video gol del napoli