LAZIO-NAPOLI 2-0
14-11-10 - categoria Poesie in napoletano 2010-2011Sta abbeluto, stu povero cronista,
pe ‘na faccenda strana, non prevista,
ca forse, si poteva prevedere.
Isso se papareava int’o piacere
pe l’urdema vittoria ‘o sant’Elia,
ca pareva spezzata la malia
d’e sdrucciole: ma invece salta fuori
nu turmiento diverso: ‘e giucatori.
Cumm’è? V’o spiego dint’a nu mumento.
Zarate: ma add’o tene, isso, l’accento?
E Floccari, cugnomme disgraziato,
in qua manera vene pronunziato?
‘A Lazio ha vinto in modo convincente,
pe’ carità: nunn’ha arrubbato niente.
A perdere, se sape, è sempe dura,
ma la sconfitta nun ce fa paura:
nuje c’impressiona stu destino. ‘A ciorta,
doppo Cagliari, nunn’è affatto morta.
Non dalle squadre: ‘e palpite, e dulure
mò ce ponno arrivà d’è jucature.
C’aspettammo pirciò jurnate amare,
a sillabare ‘e nomme ‘e ll’avversarie
per capire addò va a carè l’accento.
Ma chi campa accussì, po’ sta cuntento?
[youtube]http://www.youtube.com/watch?v=x460bSvss6U[/youtube]