Napoli-Roma 2-0
3-10-10 - categoria Poesie in napoletano 2010-2011Pe’ sta vittoria (un poco inaspettata)
vulimm’usà l’ottava dell’Ariosto.
Chi s’a sunnava, né, chesta jurnata,
chistu Napule bello, frisco e tuosto?
‘A Roma, abbasce ccà, c’era arrivata
pe vencere, mettenno ‘e ccose a posto.
Pirciò Totti facette ‘a faccia scura:
“Simm’ a Roma, mettiteve appaura!”
Ma nuje simme furiuse comm’a Orlando:
‘o Napule sta stuorto, sta arraggiato.
All’inizio cuntrolla ‘a gara: e quando
alla ripresa, ‘a Roma ha accellerato,
finalmente ha pigliato in mano ‘o bando-
lo d’a partita: e allora ha triunfato.
E mò t’a vide brutta, né Ranieri:
te facimme ll’auguri chiù sinceri!
[youtube]http://www.youtube.com/watch?v=pr5clJRCI_g[/youtube]
Tags: onapule, onapule.it, video gol napoli