Chiove a zeffunno, a Brescia, e vott’o viento.
Dopp’a sconfitta contr’a Berlusconi,
oggi ce spetta nu risarcimento:
ve facimmo vedè, chi so’ e terroni!

Contr’a ‘na squadra senza centrocampo,
can nun se vo’ scuprì; perciò se chiure,
stu Napule sicuro non è un lampo:
attacca, ma al finale, nun cunchiure.

‘E lloro, invece, fanno chiù paura:
ma ‘o giucatore ‘e casa chiù importante,
Caracciolo, nun trova la misura,
e quann’a trova, là ce sta Desante.

Siconno tiempo: ‘o tiempo è semp’uguale.
Pur’ a partita è uguale, ‘a stessa pasta:
Napule, forza, mò l’amma fa male,
‘o pareggio ccà ncoppa nun c’abbasta.

‘A squadra, a chistu punto, è stanca e stracqua,
e però nun s’arrenne, e va all’attacco.
Chiove? Vabbè, ma ‘a classe nunn’è acqua:
segna ‘o Pocho, imbeccato d’o slovacco.

Hanno perso ‘e bresciani, poverini;
se so’ scassate n’ata vota ‘e riente.
Mò traballa, ‘a panchina di Iachini:
che ce ne fotte? Nuje stamme cuntente…

[youtube]http://www.youtube.com/watch?v=0n9T2ZWiuhI[/youtube]

Tags: , ,

Valid XHTML 1.0 Transitional Valid CSS!