‘I che rimonta! Troppo forte, simme.
Chesta partita trase dint’a storia,
però nun s’essa perdere ‘a memoria
d’e fessarie ca avimme fatte primma.

Jucajeme ‘na ripresa da campioni:
‘a nosta è stata ‘a mamma d’e rimonte,
ma c’amma mettere ‘na scolla ‘nfronte
pe comme amme pigliate tre palloni.

L’avversaria nunn’era certo chella
ca se verette dint’all’anne uttanta:
Però ‘o Napule fuje ‘na mano santa,
e ‘a “Steaua” ‘a facette turnà “Stella”.

Cribari ampresso ampresso  fa ‘a frittata:
l’ate doje gol ‘e lloro, i che piacere!,
ncopp’a cuscienza ‘e ten’isso: ‘o purtiere,
De Sanctis, detto Morgan il Pirata.

E Santacroce! Difensore egreggio
doje anne fa, però: ca mò fa pena,
va annanze e areto, curre, se dimena
o ogne partita joca sempe peggio.

Miettete chesto ‘ncapa, né Mazzà:
Zuniga, Yebda, Sosa e Vitale,
pigliate assulo, nun so’ tanto male,
ma tutt’assieme, ‘a squadra nun c’a fa!

Tags: , ,

Valid XHTML 1.0 Transitional Valid CSS!