Carissimi Mazzarri e Presidente:
dopp’a partita con la Fiorentina
nu penziero ci gira per la mente:
c’a  premmettite quacche dumandina?

E’ overo, comme no, ch’è ancora austo,
e stammo tutte un poco arrugginite;
ca dopp’e ccose vanno ‘o posto justo,
na vota ca continuan’e partite.

Ma quann’evama fa ‘o siconno gol
(Walter, chesto l’e ditto propie tu!),
nuje teneveme ‘e gambe ‘e pasta froll,
pecchè nisciuno c’a faceva chiù.

Vuje dicite: “Vabbuò, stevemo  stanchi,
giovedì ch’e svedesi s’è giucato”.
Appunto! Da Firenze, siate Franchi:
sarrà accussì pe’ tutto ‘o campiunato?!

Sta Coppa Europa (che non conta un …..)
ce zucarrà nu sacco d’energia:
tra i viaggi e le partite, è nu strapazzo.
Pecchè ce simme mise int’a sta via?

Se rischia (si ve piace, ‘a situazione…)
ca stu fatto ‘o pavammo caro e amaro:
ca perdimmo, avanzanno la stagione,
primma Filippo, e po’ pur‘o Panaro.

Quacch’ata cusarella va chiarita:
Lavezzi, che ce fa miez’e mediane?
E Blasi, che va fore da ‘na vita:
se sape, isso ch’e piere mena ‘e mmane.

D’accordo, Emanuè, si nu guerriere:
si te cacciano, è un rischio calcolato.
Ma comm’a miette a nomme, comme ajere,
si faje sultanto ‘e falle, e po’ nient’ato??

[youtube]http://www.youtube.com/watch?v=VlPRetyI7aQ[/youtube]