In città fa nu cauro ca se schiatta,
ma ‘o Napule sta ‘o frisco, e s’arrecrea:
senza ‘e s’affaticà, senza se sbatte
smonta a sti piezz’e  armadie dell’IKEA.

Tra nuje e lloro, ‘a differenzia è assaje:
te rienne conto ca sti pellerine
vicin’a nuje, nun segnarranno maje.
So’ bastate doje palle aret’e rine,

e  s’è passato ‘o turno, ‘a copp’a mana:
int’a ripresa, ammo tirato ‘o ciato.
E mò? Ce ne scennimmo giù in Toscana,
pecchè è là, c’accummencia ‘o campionato.

Cu stu Cavani, e cu stu granne Maggio
‘a squadra po’ ghì pure annanz’o Rre:
jamme belle guagliù, forza e curaggio,
dummeneca s’adda partì d’o tre!

[youtube]http://www.youtube.com/watch?v=uzF33MRGF0k[/youtube]

Tags: onapule, video gol napoli, video napoli 2010-2011