Si, turnanno d’o fine settimana
stammo pe n’ora in macchina al casello,
‘o cirivello nuosto, cosa strana,
po’ s’arricorda specialmente quello.

Chesto (al contrario), è o rischio ca currimmo:
stu pareggio ‘o strappajemo ch’e riente
(ancora doje minute, e po’ perdimmo),
perciò alla fine simme assaje cuntente.

Certo, è na cosa bona: simme fieri
‘e stu pari c’avimmo conquistato.
Ma però, ‘e giallorossi di Ranieri
pe tutt’o tiempo, c’hanno cuntrullato.

‘A squadra romanista è remissiva
(nu fatto ca succere raramente).
Si fosse stata, ‘a nosta, un po’ più viva:
nu pucurillo meno inconcludente,

mo, assieme, festeggiassemo ‘a vittoria!
Ma la manovra è moscia; è semp’a stessa,
e loro, c’a cunoscen’a memoria,
ce bloccano ogne vota, ampressa ampressa.

Chistu pareggio che ci suggerisce?
C’o Tanque è il nostro solo centravanti.
Chi ‘o ssape, si Mazzarri lo capisce…
Sul’isso po’ signà. Nun ce so’ santi!

[youtube]http://www.youtube.com/watch?v=FdCRGcpjRMM[/youtube]

Tags: 28 febbraio 2010, napoli, napoli-roma 2-2, onapule