Si penzammo all’andata (a fine agosto)
embè: l’allenatore so’ cagnate.
Nunn’avenn’ottenuto ‘e risultate
l’hanno cacciate: l’hanno perzo, ‘o posto.

‘O primmo ca zumpaje, fuje Donadoni:
sette partite, e po’ fernette ‘nfieto.
Mo recita, vestuto da Amleto,
e guadagna nu sacco de milioni.

Zenga, chiù tarde, avette ‘a stessa sciorta.
Eh, vuleva ‘o scudetto, ‘o sbruffunciello,
ma nu steva all’altezza, puveriello.
Zamparini ‘o dicette: “Chella è ’a porta!”

Pe vuje, Rossi e Mazzarri, vento in poppa
(ma Delio, tu da poco sì arrivato);
site ancora imbattuti in campionato,
ma tutt’e doje, già avite perzo in Coppa.

‘E somiglianze songo overo assaje,
pecchè so’ pure eguale ‘e presidente:
ca stanno sempe là, sempe presente,
entrambi nun se stanno zitte maje…

‘A conclusione è chesta (so’ sincero):
tra Napoli e Palermo, squadre-specchio
(v’o dico zittu zitto, int’all’orecchio),
nun puteva fernì ca zero a zero!

[youtube]http://www.youtube.com/watch?v=eoY5kNY-5b4[/youtube]