Chesta vota ‘e sbagliato, Presidente.
‘E ditto: “Non la prendo, la parola.
Al posto mio, che parli la moviola”.
Nun se capisce ‘e cosa te lamiente:

nunn’è chiaro pecchè sì ghiuto ‘nfreva.
Nun ce pare falsato, ‘o risultato:
‘o braccio, chillu là, nun l’ha allargato,
‘o rigore ‘e Dainelli nun ce steva.

Nun c’adda fa paura, ‘a verità.
Accussì, sta partita va spiegata:
‘o Genoa è na squadra organizzata,
ca c’ha levato ‘o spazio ‘e manovrà.

Quacche episodio c’è custato caro:
‘o gol (‘e gol…) ca s’a magnato ‘o Tanque
c’hanno fatto zumpà pe copp’e panche.
E po’ chella traversa ‘e Cannavaro!

Paolù, sì stato overamente bello:
nunn’e fatto nemmeno miezu sbaglio.
Mo va ‘a casa, e priparete ‘o bagaglio:
‘e Mundiale vai tu, no tuo fratello!

[youtube]http://www.youtube.com/watch?v=LHRQBKOZDgc[/youtube]