‘A siconna partita di ritorno
è cumplicata assaje: si va a Livorno,
addò parecchie squadre già hanno perze.
L’allenatore lloro è un certo Serse,
ca allucca, se trammea, quase si strozza
(tal’e quale comm’o faceva Crozza).
P’a rraggia, se strappaje tutt’e capelli,
e mo s’è appiccicato cu Spinelli…
‘O Livorno se sbatte, ce cuntrasta,
però nuje simme fatte ‘e n’ata pasta.
Vuje tenite a Tavano? Ccà sta Maggio!
Pe’ tirare accussì ce vo’ curaggio.
Se paralizza ‘o stadio: “Oi mammamia!”:
nun se muvette manco, De Lucia…
Chiagne, ‘o Livorno, attacca con furore:
ma Lucarelli sbaglia nu rigore,
e nuje putimmo sulo radduppià.
E mo? Mo stamm’in ballo, amma ballà!

[youtube]http://www.youtube.com/watch?v=WN9mOhBot8g[/youtube]