E’ nu juorno ca vene tutte ll’anne,
ma è sempe cumplicato, ‘a s’abbituà:
quanno l’ora legale senne va
‘e pure ‘a luce ‘e ‘o sole senne vanne.

Pure stavota (è colpa d’o guverno)
se fa chiù curto e niro ‘o pomeriggio:
se stutano ‘e culore, e vene ‘o griggio
a dicere: guagliò, tra poco è vierno.

Sarranno cinche mise de catarri,
‘e tosse: e – chesta mo’ è na nuvità –
ce starrà pure l’influenza A.
Ma chest’anno ce sta pure Mazzarri!

Già l’avimmo capito, ll’ata sera:
‘e cinch’e meza, già scurava notte.
Ora solare, ‘e te che ce ne fotte?
Quale autunno: mo’ vene ‘a primmavera!

[youtube]http://www.youtube.com/watch?v=QR2jnk3KJpU[/youtube]

Tags: il napoli, la fiorentina, napoli, video gol fiorentina-napoli 0-1