San Paolo era nu santo forte assaje,
però nun c’ha potuto, cu san Pietro.
Isso, ca primma nun perdeva maje,
sta cu na mana annanze e l’ata addietro.

Mò c’avimmo acchiappato chistu palo
c’amma sta zitte: nun ce stanno santi.
Ma ‘a primma reta lloro, è nu rialo
dell’aiutante ‘e l’arbitro Morganti.
 Si po’ penzammo a comm’è nata ‘a terza,
né, pe c’allamentà perdimm’ a voce,
e ce signammo cu’ la mana smerza:
il dono c’o facette Santacroce.

E mò se sente ’a solita canzone:
Napule, cu sta squadra nun c’a faje:
nunn’a pigliammo, ‘a coppa d’e Campione.
Ma, ‘a verità: chi c’ha creduto maje?

[youtube]http://www.youtube.com/watch?v=2TPHWJvVcDM[/youtube]

Tags: 25 gennaio 2009, napoli, napoli roma, napoli roma 0-3, roma, video, video gol, video gol napoli, video napoli