C’o Cagliari fui Conti. Oggi, Contini,
can nun ce stà, pe mezz’e ll’influenza:
al Meazza ‘a sentettemo, ll’assenza.
Spaventate comm’unnece bambini

ce chiurimme int’all’area di rigore,
e Cordoba, ch’e nomme fa Ramiro,
ricev’a palla, e fa nu diece ‘e tiro;
eccoqua, stammo sotto. E che dulore!
St’interiste so pure furtunate:
Muntari (ca se sape ch’è na lota)
è ghiuto in porta p’a siconna vota
adderizzanno tire sturzellate.

No sulo p’a sconfitta, stamme triste.
Ham Sik-Sik: pe’ te, artefice magico,
è nu mumento overamente tragico:
sbagliaste n’incantesimo, e spariste!

Addò staje? T’arricuorde ‘e tempi belli,
quanno pe’ copp’o campo eri o cchiù ‘nzisto?
Amma fa na chiammata a “Chi l’ha visto”:
chi te trova, avvertisse la Sciarelli!

Tags: , , ,

Valid XHTML 1.0 Transitional Valid CSS!