Reggì, tu tieni ‘e bronze di Riace,
però sì scarsa assaje, fatte capace.
Se gioca ‘e sera, sott’e riflettore:
ma quanno se ne scassan’ott’e llore,
all’intrasatta, ‘a notte se fa scura,

e allora ce futtimmo d’a paura.
Po’ bell’ e buono, ‘a luce è ritornata
(ma p’o Napule maje s’era stutata!)
N’ata paura ce la siamo presa
nu pucurillo doppo: int’a ripresa.
Chiove: chiù che na pioggia, è na tempesta.
Si va annanz’accussì, ce guasta ‘a festa:
si l’arbitro lle gira, sisca ‘a fina.
Sulo accussì te salve, né Reggina!
Ma l’acqua ce risparmia, e stu Denìs,
doppo ‘e primme doje gol, ha fatto ‘o tris.
Ten’o passo sultanto l’Udinese:
Napule, t’aspettammo a grann’imprese!
E dummeneca al Milan, al Meazza,
guagliò, l’avimma fa tanto nu mazzo!