Tu, ca te chiamme comm’a na reggione,
ma tiene doje città: Foggia e Siviglia,
all’Olimpico aviste na lezione.
Te va stritta? C’o riavolo te piglia!

Puozze campà cient’anne, cara Lazio,
e pure tu, ch’e nomme fai Maurito,
Zàrate: ‘e fatte ‘e sbaglie, e te ringrazio:
primma eri forte, adesso sì nu mito!

Nuje blu, e invece vuje biancoceleste,
i che battaglia, fra Lotito e Lete!
‘E  laziale se so stracciate ‘e veste,
pe’ colpa ‘e na ridicola autorete.

Aurelio – Delio: e chesto è n’atu derby.
Rossi, mò chella gomma americana
ca ncapa a te, t’avissa calm‘e nervi,
l’ea mazzecà pe tutt’a settimana!

E ‘o derby nuosto: Iezzo cu Navarro.
Trasenno l’olimpionico ‘e Pechino
se dicette: pigliassemo  nu ‘nzarro?
E invece fuje  stupendo, l’argentino.

Putimmo sta chiù a luongo, in cim’o munno:
sicuramente  fino a miercurì.
Nun ce frusciammo, ca fernimmo a funno:
stu sogno adda durà, nun po’ fernì!