TORINO-NAPOLI 2-1 (in napoletano)
7-05-08 - categoria Poesie in napoletano 2007-2008Ncopp’o carro d’a salvezza
è sagliuto (quasi) ‘o Toro.
Uno-doje: tre punti d’oro.
Nuje jucammo na schifezza:
‘o chiù meglio è stu Navarro,
fin’a mò int’a naftalina.
Tutt’o riesto è na latrina
(lle pigliasse nu catarro!)
‘E tifose (siente, siente);
chille c’evan’a sta fora,
hanno fatto peggio ancora:
ce so ghiute. E chest’è niente:
chesta manica ‘e teppiste,
ca lle piace ‘e fa burdell,
incontranno a nu motel
‘e tifose romaniste
‘e rignetteno ‘e mazzate.
Sì, ‘a chiù parte song’onesti:
ma finchè ce stanno questi
giuvinò, stamme ‘nguaiate!