‘E partite se ponno pure perde:
ma nun vulimmo fa figure ‘e  m….
Chest’anno già n’avimme fatte tante:
Samp, Atalanta e cumpagnia cantante.
Figlie ‘e nu ciuccio, a forza simme ciucci:
c’avimme fatte fottere ‘a Colucci
ca mmiez’a tanti cosce, ‘a trova a senga,
e fa felice ‘o mister, Walter Zenga.

Mò pariggiamme: amma purtà Pazienza…
(e ‘o tenimme, ma stammo meglio senza).
Stu Gargano è nu muorto ca cammina,
ma  tutt’a squadra joca na latrina.
E’ nu turmiento, mica è na partita:
‘o Catania nun vence da na vita,
ma nuje facimme veramente pena:
loro jocano, ‘o Napule s’allena.
Reja, pe l’incità, ha perdut’a voce:
quanno sostituisce Santacroce
cu Grava, ca di Varga(s) è anagramma,
chesta  tragedia se trasforma in dramma.
Inzomma:  ave ragione, e nun se sbaglia
chi allucca a ‘e jucatore: “’A copp’a maglia,
già ve l’avimme ditte tanti vvote:
tuglite LETE, e ce scrivite  LOTE!”