Ce fosse assaje piaciute
‘e fa ‘e tre punte.
Ma sbagliajemo ‘e cunte:
anzi, ‘e Contini.
Nun so’ passate
manco doje minute
ca stu tizio regala
‘a palla ‘a Totti,

chillo a Perrotta:
è rete, e santa notte.
Reja, ma ‘o buò capì,
mannaggia ‘a morta,
c’a squadra adda stà corta?!
Lavezzi arranca,
e corre annanze e areta,
e  Zalayeta
tene l’area stanca. 
Ma tutt’a squadra
joca a cap’e mbrella;
sulo Gianello
para tutte cose.
Si erano rose,
fosseno fiorite:
e invece erano turze,
e so’ marcite.
E accussì le legione
d’o Pupone
traversanno ‘o Volturno
(‘o Rubicone)
ce l’hanno ditto bello,
chiatto chiatto:
guagliò, levate mano,
’o dado è tratto!