‘A troppo tiempo l’evemo sunnata
chesta serata ‘ marzo, chien’e gloria.
‘O Napule è trasuto dint’a storia,
e pe l’Intèr, adda passà ‘a nuttata.

S’adda dicere, propio chiaro e tonno,
e cheste nun so’ chiacchiere, so’ fatti:
‘e gol, c’ammeretavemo ‘o siconno.
Murette, lo squadrone di Moratti:

quest’Inter  steva interra, interamente.
‘A capolista l’ammo vista in coma:
ncopp’o campo nun c’ha capito niente,
e mò già sente l’alito d’a Roma.

Oi nerazzurro, mò sì sulo niro!
T’ea stà: ‘e perduto, e nun ce stanno santi.
Mmiez’all’Autorità, chiagne San Siro;
San Gennaro e San Paolo, balli e canti!