S’assummegliano, l’Empoli e stu Napule:
ca tutt’e doje so strane, imprevedibbile.
Na partita è bellissima, incredibbile,
chella appresso è na  chiaveca, inguardabbile.
E’ tuscane ce portano p’e vicole:
tutt’e spazie  so’ chiuse, impraticabbile.
Ma l’attacche  d’o Napule so’ debbole:
so’ musce, uallaruse e prevedibbile.

Zalayeta, pe nu motivo futile,
esce fore, e ce resta in pianta stabbile.
Giovinco, curto curto, è inarrivabile:
‘e nuoste invece stanne ferme immobbile.
E’ inutile ca ce cuntammo  favole:
si è chesto il nuovo Napule, so’ cavole!