‘A Reggina c’ha fatto nu favore
pigliannose sai chi? Renzo Ulivieri,
ca certo sape fa tanta mestieri,
ma – stai sicuro – non l’allenatore.

‘O Napule s’allanza: è su di giri.
Ncopp’a destra, con Hamsik e cu’ Grava,
per tutt ‘o primmo tiempo affonda e scava.
‘E cross song’assaje, ma pochi i tiri.

Comme stesse assettata ncopp’o trono,
sta messa sopra al campo la Reggina:
ogne tanto s’affanna e se scumbina,
ma se difenne,  e se difenne buono.

Certo ca ce servesse, sta vittoria:
a loro, ultime ‘e tutte, ancor’e chiù.
Nuje currimmo, a’o pallone dammo ‘o tu,
ma pe mò è zero a zero, senza storia.

Se riparte. Gli azzurri sono strani:
‘o Napule è chiù lento, assaje chiù muscio:
‘E vulimmo fa ascì da dint’o guscio?
Bell’idea: ma però segna Vigiani.

‘O Napule è sturduto, senza trame.
‘A natuppoco ‘a squadra cade a pezzi,
ma che t’agite a fa? Ce sta Lavezzi.
Pocho, tu sì‘o chiù bello d’o reame!

Na discesa, e se piglia nu rigore.
Va Calaiò: “Tir’io! T’o segno al volo!”
Se se: c’a part’a là sta Campagnolo.
Reja, ma nun si’ tu l’allenatore?

Mancano sulamente doje minuti:
mischia in area cu’ Sosa e Bogliacino,
e ‘a copp’a  mano, ‘o fulmine argentino
batte in rete: Uliviè, tanti saluti!