Dopp ‘o Cagliari, ‘o Genoa fuje fatale.
Guagliò, ma ‘o rossoblu purtasse male?
Macchè. Nun fuje na gara sfurtunata.
‘A squadra parte moscia, sta ‘mballata.
Zalayeta sta sempe spalle ‘a porta,
e allora, che c’azzecca a malaciorta?
L’inizio – int’o silenzio- è proprio amaro,
pecchè a Gianello ‘o batte Cannavaro.

Pò ‘o Napule int’o campo getta ‘o core,
e Lavezzi se va a piglià ‘o rigore.
E’ il pari. Mò e tre punti so’vicini,
ma nun s’arrenne ‘a squadra ‘e Gasperini:
dalla sinistra ‘a palla arriva a Sculli,
che segna. Che figura da citrulli!