NAPOLI-ROMA 4-1
6-01-13 - categoria Poesie in napoletano 2012-2013‘O Napule è cattivo e concentrato,
comme si nun si fosse maje fermato.
‘A cosa chiù importante è propio chesta:
ca ce scetammo senza mal di festa.
Ma ‘e feste nunn’e toccano, ‘e marziani,
e tra loro, ‘o sapimmo, c’è Cavani:
pe l’urugiagio, bomber micidiale,
nunn’esiste né Pasca, né Natale…
Sta Befana già trase dint’a storia:
vale dodice punte, la vittoria.
Roma, Juventus, Inter, Fiorentina:
l’ha stise a tutt’e quatto, la Vecchina…
L’inizio ‘e l’anno è allero, e nunn’è triste:
e adesso, Aurelio, sotto cull’acquiste!